Poskitk wučbnych materialijow
Za wučerjow
Za serbšćinu wučacych steja přidatne materialije za zasadźenje we wučbje k dispoziciji. Tute su po šulskej družinje kaž tež do jednotliwych předmjetow rozrjadowane.
Kopěrowanske předłohi
Za konkretne planowanje a přewjedźenje Wašich wučbnych hodźinow smy w praksy wupruwowane kopěrowanske předłohi k wšitkim wučbnym předmjetam zakładneje šule und sekundarneho schodźenka 1 a 2 zastajili. Tute orientuja so na aktualnych wučbnych planach a su bjez wulkeho přihota we wučbje zasadźomne. Wšitke dźěłowe łopjena steja Wam jako pdf-dokument přez download bjezpłatnje k dispoziciji. Dalše wučbne materialije namakaće pod linkom wudospołnjace materialije, kotrež steja tohorunja bjezpłatnje k dispoziciji abo kotrež móža so w Rěčnym centrumje WITAJ skazać.
Wudospołnjacy material
Tu namakaja wučerjo a wučerki přidatny a wudospołnjacy material za swoju wučbu. Materialije hodźa so na wšelakore wašnje k přiswojenju serbskeje rěče zasadźować a posrědkuja na zajimawe wašnje wědu wo Serbach, jich stawiznach a kulturje. Su to w prěnim rjedźe zynkonošaki, wideja, materialowe zběrki a mapy, přiručki za wučerjow abo wšelake hry. Předstajeny material móže so w Rěčnym centrumje WITAJ skazać a kupić. Maće-li prašenja, nastorki abo namjety, wobroćće so prošu na wotrjad wuwiwanje rěče/pedagogika Rěčneho centruma WITAJ.